LDi Pulsation Dampeners - How It Works

(View English)

PULSASIES WAT DEMPING MAG BENODIG

By kleppe

By pompe:

PULSASIEDEMPERS VIR POMPE

HOE DIT WERK

Die beginsels van pulsasiedemping is dieselfde vir alle pompe, behalwe in die geval van hoëfrekwensietoepassing by sentrifugale, wiek- en ratpompe waar die akoestiek van drukgolfsnelheid gebruik word.

Dit werk soos die sirkulasiestelsel van jou liggaam. Jou hart – die pomp – klop om vloei te bewerkstellig. Wanneer die hartspier saamtrek, pers dit bloed uit die hart na die slagare wat die bloed na verskillende liggaamsdele neem. Wanneer die hartspier ontspan, vul die boonste linker- en regterkamers van die hart met bloed vanaf are wat van verskillende liggaamsdele kom. Die bloed word deur middel van kleppe van die een hartkamer na die volgende en ook na die slagare toe deurgelaat. Die alternatiewe saamtrek en ontspan van die hartspier veroorsaak dat die bloed nie egalig deur die slagare vloei nie; vandaar die pols-aksie daarvan. Ons slagare – die pype van die pompstelsel – is elasties (as ons jonk en gesond is!) en kan uitswel en inkrimp, wat hulle in staat stel om die polsende vloei te hanteer.

Die funksie van pulsasiedempers in pompe en pypstelsels is dieselfde as dié van die slagare wat onegalige bloedvloei reguleer deur saam te trek en te ontspan.

As jy gelukkig genoeg is om van “natuurlike oorsake” te sterf, beteken dit dat jou hart (die pomp) uitgeput geraak het omdat jou slagare hulle elastisiteit verloor het. Hoe meer elasties die slagare, hoe makliker is die hart of pomp se werk.

Net so sal ’n pypstelsel vibreer, die pomp laat slyt, en moeilik wees om te beheer as dit nie die elastisiteit van ’n demper het nie.

Tipiese dempers

Laat ons asseblief weet as jy meer inligting verlang oor enige van die produkte wat hierbo genoem is.
T. Schlebusch en D. Colyn (Verteenwoordigers in Suid-Afrika)